Dj Munene okwati omutumba wovalumenhu koKeetmashop owa enda nawa.

Omukokoli nokuli omukwateli komesho weunganeko lomutuma wovalumenhu wopashiwana moshilongo Fillemon Amoolongo okwati,  omutumba wovalumenhu oo waliko mexulilo shivike ko Keetmashopo  moshitopolwa sha Kharas owa enda nawa.

Amoolongo oo ashiivika nawa nedina Dj Munene Shitishepungu, edi okwe dipopya onghela pefimbo leenghundafana odo aninga nodjo nghundana yetu yo Future media news.

Munene taulike eudo nawa laye eshi ovalumenhu vali veuya momuvalu uli pombada noku kufa ombinga moshongalele okudja keenele neenele ngaashi Orange , Ludertiz oshoyo  keedoropa  dikwao tadi hangwa polwaamba noKetmanshoop.

Shitishepungu tayelifa kutya omutumba owa li waunganekwa koshi yexuku  nekanghameno olo taliti’’Ohatu kondjifa omalikufo mwenyo mokati kovalumenhu nokuvanghonopeka, onga ovalumenhu vena oshinakuwanifwa moshiwana’’.

Okwati ovali vakundafana oikumungu ihapu oyo yatala kendalepo lomukundu kombinga yomepo  yokulikufa eemwenyo mokati kovalumenhu, omo mwakwatelwa ngaashi oku mwenena omaupyakadi haakala ataalela ovalumenhu,  eshi luhapu kwadidilikwa kutya ovalumenhu iha vahale okupopya kombinga yaasho vataalela fiyo sheva etela omadilongo okulikufa eemwenyo.

Okwati oshongalele oshali yoo shatala ngaashi konghalo yoku tulamo eesapota, eeveta tadi popile ovalumenhu, noku tala yoo komakwafo elili nokulili.

Munene tapopi yoo kutya oshongalele shikwao natango ota shika ningilwa komudingonoko wa Ndangwa moshitopolwa sha Shana mefiku 1 December,  nomolwaasho apula ovalumenhu aveshe komidingonoko oko vakale vaya noku kakufa ombinga,  voo vakatwikile noku linyika komilungu,  elalakano oku kandulapo oupyakadi nomashongo apalamena ovalumenhu moshilongo.