Ocholera taipula komesho noku tandavela moZimbabwe

Oshilando pangelo shaZimbabwe Harare osha lopotwa shadidilikwa omuvalu wovanhu vape vaningwa oihakanwa yomukifi wocholera veli 93.

Omuvalu wayadjwa upe okudja moshilando pangelo ouli watulwa kumwe nomuvalu wovanhu vaningwa oihakanwa vefike 129, vadidilikwa okudja moshitopolwa shoumbuwanhu ushilo woshilongo  Manicaland.

Eelopota odati fiyo opapa moshilando pangelo omwa didilikwa omuvalu wovanhu aushe kumwe vaningwa oihakanwa vefike  2,997 tava feekelelwa omukifi woCholera omanga , 227 vakolekwa vaningwa oihakanwa no 13 ovaxulifa omolwo mukifi okudja mu February.

Nande ongaho oo eli omupopiliko welelo loshilando pangelo shaHarare,  Stanley Gama metine ladileko okwa lombwelele oikundaneki kutya,  omuvalu wovanhu vedulife po 15 ovaxulifa omolwo omukifi oo moshilando.

Epangelo loshilongo ota kulopotwa layandja elombwelo kovalandifi aveshe vomo mapandavana vakufepo eenele davo domashingifilo osho shatalika shili eenghendabala doku kelela etandavelo lomukifi wo cholera.

Omukifi woCholera, owa talika hautandavele okupitila moikulya nomeva ehena oukoshoki nohaweendelele oku tandavela unene peenele opo patalika pena oukoshoki wanghundipala ngaashi omumbwe younduda voku likwafelela.

Oshilongo osho oshati okufika mo 25 Nov oitopolwa ili 10 yoshilongo oyaningwa oihakanwa omo ovanhu  9,078 tava feekelwa vaningwa oihakanwa , 1,337 ovakolekwa omi , 53  omanga omafyo ovanhu vefike  156 navo tava feekelelwa vaxulifa omolwo mukifi.