Aa Malawi ya thika 5 000 taaka longa koofaalama ko Israel

Epangelo lya Malawi olya tseyitha oompangela okutuma aagundjuka ya thika 5 000 yaka longe mofaalama ko Israel,nonando kwali lya shekwa okutuma aagundjuka 221 koshilongo shoka ehuliloshiwike lya piti.

Ominista yomauyelele Moses Kankuyu okwa lombwele o BBC Newsday programme nena kutya otaya tala koompangela okutuma aagundjuka 5 000.

Nayalwe oya kala oomvula dha konda 5,notaya gwedha ashike komwaalu ngoka.

Minister ta popile ompangela ndjoka,tati oyili oshitopolwa shopolohalama yepangelo okugandja ilonga kaagundjuka moshilongo nopondje yoshilongo.

Omuleli gompilameno Kondwani Nankhumwa ohela okwa sheke epangelo,teli pe ombedhi okutula moshiponga aa Malawi okuya tuma koshilongo kuna iita.

Ashike minister okwati Israel okwa kwashilipaleka kutya aagundjuka otaaka longa miitopolwa mbyoka yaahena iita,notaa kala ya gamenwa.