President Hage Geingob apopila oimaliwa hailongifwa momalweendo (S&Ts).

OmuPresident Hage Geingob okwa kumaida ovatoolinghundana vakale noku lopota oinima aayo yafimana ponele yokulopota eenghundana danafangwa ngaashi okupopya elongifo loimaliwa hali longifwa  momalweendo ovanapolitika.

Pefimbo loshipopiwa shaye shokomudo osho shali sha ninigilwa peumbo lepangelo onghela omandaxa omupresident Geingob,  okwa ulika ina hafela eenghundana odo hadi lopotwa kovatoolinghundana kutya,  yee opamwe nee minister daye ove hole unene omalweendo nelalakano loku limonena oshoyo okutyapula ouwa woimaliwa yomalweendo hano

Omupresidet tayelifile ovatoolinghundana kutya,  omalweendo kaenasha noku mona ouwa woimaliwa, ndee okuli mouwa wokuyandja eyakulo koshiwana shaNamibia, tati oimaliwa yomalweendo kaishisha kuye.

Pefimbo opo twoopo okwa popila yoo oyeendifo taikemwa koshiwana oyo yalandelwa ovapombada vepangelo mwakwatelwa Omuprima woshilongo Saara Kuugongelwa-Amadhila,  opamwe nomupedu waye,  Netumbo Nandi-Ndaitwah,  tati eetuwa kadishisha,  ndee odililepo ashike okutwala omayakulo koshiwana.

Moshipopiwa shomutwe woshilongo okwa yandja eyelifo kombinga yomaxumokomesho oo adja momalweendo ngaashi okuya kwaye kwali metalelepo ko South Africa mu April,  osho tati oshali mouwa wokutulapo omaudafano twokumwe pokati koilongo yopavali, noku nghonopeka oipindi oshoyo omapungulo  omo mwakwatelwa oshikondo shomahooli nomuku wogas.