President Hage Geingob elitumapo ko United Arab Emirates.

OmuPresident  Hage  Geingob onghela okwe lidenga olweendo oku kakufa ombinga moshongalele oshi 28 sho   (COP28) osho tashi tale keenghendabala doku kandulapo ominyonena daetififwa kelunduluko longhalo yomepo tashi kaningilwa ko Dubai, United Arab Emirates.

Omukanda oo wapitifilwa oikundaneki okudja mombelewa yomupresident onghela owati,   oshongalele ota shikakalako mo  30 November 2023 to 12 December 2023.

OmuPresident Geingob ota kulopotwa aufanwa kwao eli omupresident wa United Arab Emirates Mohamed bin Zayed Al Nahyan.

Oshongalele shoneudo osha talika tashi kakala omito yoku endamukulula nokweendelelifa eenghatu tadi pumbiwa okutulwa moilonga okuya moshipala onghalo yelunduluko lomepo yakuma oilyolongo mounyuni,  onghalo oyo yatulifa oshiwana moupyakadi.

Olopota oyati mefiku 1 December 2023, President Geingob,  ota kakufa yoo ombinga moshongalele shinasha neenghatu tadi pumbwa oku katukilwa onghalo yelunduluko lomepo, nomutwe woshilongo ota uka waimina omitwe doilyo longo ikwao novanambelewa vomapangelo pandodo yoopombada oku tula moilonga nokuyandja eyambidido kwaasho sha monikapo momafindilemo oshikondo shomapekaapeko sho GST.

OMukanda owati Namibia,  okuli atambulako nomaoko ashambekelwa eshiivo olo apewa oku kakufa ombinga moshongalele osho shili shafimana  pefimbo oshilongo nasho shili moupyakadi welunduluko longhalo yomepo.

Omukanda owa yelifa yoo kutya oshili yoo omito iwa koshilongo shikeli nyaneke kombinga yoprojeka ipe yo green hydrogen. Ovakufimbinga vedulife  70,000  okwa fanekwa vakakufe ombinga moshongalele osho. President  Geingob moshilongo okwadjamo onghela omandaxa,  notakaalukilamo ashike mo shondaxa yo 10 December 2023.