Omwiihongi omukwashiwana waTanzania oo axulifila koIsrael afudikwa momukunda wavo.

Ovalilanghali omayovi nomafele oshivike eeshi ovali vangudumana pexupulifo nefudiko lomwiihongi kwali koIsrael Clemence Mtenga, omu Tanzania oo adipaelwa moikolokosha yoshilongo Israel.

Omu 22  ali telilongele ounamapya,  ota kulopotwa aholekwa momaendo omukunda wavo wedina  Kirwa,   monooli yoshilongo  Tanzania.

Oshikundaneki sho BBC news osha lopota kutya , ina shiyelamo natango kutya  Clemence okwa xulifa ngahelipi,  ashike oshiningwanima shefyo laye osha landula okudja poshiponokela shali shaningilwa oshilongo Isrel kongudu yo Hamas’mo 7 October.

Clemence ota kulopotwa ali ahangwa aya kelihongo ko   Israel  ahangwa ashike opo aningimo omwedi umwe moshilongo osho eshi oshiponokela sha holoka, nokwali ena oku kala apewa epapa laye loulongelwe oshivike shadjako okudja moshiputudilo sho  Sokoine University of Agriculture mo Tanzania.

Oikundaneki oyati ovapambele vaye oshoyo oshiwana oshakala shina elineekelo liwa muye oku vaetela ounongo wounamapya opo akakwafele omukunda wavo moshikondo osho.

Lwopokati oopo omwiihongi mukwao eli omukwashiwana wa Tanzania naye natango onghee ehewetike nokeshiivike opo eli okudja tuu moshiponokela osho shali shaningilwa oshilongo Islael.

Oo eli ominister yoikwapondje ya Tanzania’, Wilson Gwoma,  okwati epangelo ota lilongo noudiinini oku kwashilipaleka kutya,  ova Tanzania ovo veli koshilongo oko natango oveli meameno.

Otakufeekelwa kutya omuvalu wovanhu vefike lunga pe 1,200 ovali vadipaelelwa moshiponokela shaunganekwa kongudu yo Hamas,  omanga 240 vali vakwatwapo ombabjona na  Clemence okwali umwe womova Tanzania 2, ovo vali vaiwanavo kongudu yo Hamas.