Opolohalama yuukalata wiikulya yoshikukuta tayi falwa kiitopolwa ayihe ine yoshilongo

Epangelo olili moshikumungu shoku fala uu voucher wiikulya yoshikukuta kiitopolwa ayihe 14 yoshilongo,sho opolohalama ya ningilwa omalelo noyeenda nawa moshitopolwa Oshana.

Shika oshili oshitopolwa shomulandu nenge opolohalama yo Commodity and Beneficiary Management Information System,omukalo gulwe okugandja iikulya yoshikukuta,nogweetwapo kombelewa ya prime minister.

Omupevi prime minister Netumbo Nandi Ndeitwah okwati nomulandu,aantu otaaka longitha uu voucher wiikulya  noku pewa iikulya moostola dha tothwamo  miitopolwa yawo.

Tati opololeka oya ningilwa omalolelo moshikandjohogololo Okatana,moka aanamagumbo ya thika 1200 ya gumwa ,nomandiki goku topola iikulya geli 20 ga tothwamo.

Oostola 12 odha pewa iikulya yaamboka ya tothwamo.

Nakehe omuntu okwa pewa oka voucher koodola 450.

Mu October otwali twa popi nomunambelewa kuluntu mombelewa ya prime minister Iben Nashandi ngoka kwali a fatulula opololeka ndjoka yomalolelo.