Omukainhu womido 70 omukwashiwana waUganda, adala ounona vouhamba.

Omukainhu  womido 70 eli omukwashiwana wa Uganda, okwa lopotwa adala epasha lounona osho sha ningwa okupitila momakwafo ounamiti opo omunhu adule okumona okanona(IVF treatment).

Oshikundaneki sho BBC news osha lopota kutya omukainhu okwa tumbulwa nedina Safina Namukwaya,  oo amona okanona kokamati nokakadona mediki louhaku talihangwa moshilando pangelo, Kampala.

Ms Namukwaya, oo atalika kutya oye umwe womovakainhu veli meedula dili pombada tamono okanona mepipi lomido daye,  talombwele oikundaneki kutya osho shaholoka monghalamwenyo yaye  ‘’oshikumwifa longa.

Ovanambelewa vouhaku moshipangelo omo mwa dalelwa ounona ovati,  omakwafo eshe okwa pondolwa omolwo mayambidido ounamiti.

Olopota oyati omukainhu ounona okwe vaetako mokati koufiku wetitatu,  noveli monghalo ili nawa ngaashi shili palopota yoshikondo shouhaku moshilongo osho.

Ms Namukwaya talombwele oshikundaneki shomoshilongo kutya okwa kala ena oupyakadi pefimbo ali meteelelo molwaasho kaume kaye kopaihole okwa kala emufadukapo eshi auda kutya okuli meteelelo lounona vouhamba.

Omukainhu tahokolola nghene aninga etokolo loku pewa ekwafo lopaunamiti okumona ounona,  molwaasho okwa kala nokuyolwa kovakwashiwana momudingonoko waye shaashi ehana okanona.