Ovanhu 23 vatwaalelwa komukifi woCholera moEthiopia.

Ehangano linasha nomayambidido ounona mounyuni lo ‘’Save the Children’’,  olati,  etukuko lomukifi wo  cholera mo Ethiopia moshitopolwa tashi hangwa moushilo woshilongo shedina Somali owa twaalela eemwenyo dovanhu 23 fiyo opapa.

Olopota yapitifilwa oikundaneki okudja kehangano onghela oyati,  etukuko lipe lomukifi wo cholera mo  Somali,  ola etififa omuvalu wovanhu vefike po   772 vaningwe oihakanwa omanga 23 vaxulifa moule ashike woivike ili 2.

Ehangano olati onghalo oya xwaxwamekifwa ketukuko lomeva efudja ,  omumbwe yoilikwafifo ngeenge oushitwe tawiifana oshoyo omumbwe yoiyakulifo yoku dinda omeva momudingonoko.

Ehangano olati omukifi woCholera moshitopolwa shili moupyakadi,  owa didilikwa unene mokati kounona vashona veli koshi yomido 5 vakalelapo 80% daavo vakumwa.

Kuyele omwedi wadjako oprograma yoikulya mounyuni mehangano loiwana yahangana oya lopotele kutya,  ovanhu vefike po 20 ovaxulifa omanga ovanamaumbo  12,000 vahauluka eenele davo odo dakungululwapo.

Ethiopia  oshoyo oshishiindalongo Kenya na Somalia , oyo imwe yomoilyolongo youshilo wa Africa ya didilikwa omaupyakadi omiloka dinene daetelela omafundja neudo pokati ka  October na December, nokufiya omuvalu wovanhu eemillion veli moupyakadi.