Omupresident kwali nale wa Mauritaina Mohamed Ould Abdel Aziz, apewa ehandukilo lodolongo lomido 5.

Omangu yoshilongo sha Mauritania okwa lopotwa yayandja ehandukilo lodolongo lomido dili 5, kwao ali nale omupresident woshilongo, 

Omangu oya mona ondjo mu Abdel Aziz moulingilingi, eshalakanifo loimaliwa,  elongifo nai leenghono depangelo  oshoyo okuliyambapaleka mwene pefimbo ali eli koshipundi.

Omangu oya yandja yoo elombwelo opo omaliko omupresident kwali nale aeshe  oo ekwete shiheli pamango akale eakufwa.

Aziz, omunamido 66, ota kulopotwa ahoololelwe onga omupresident woshilongo osho mo   2009 konima yoku umbako omupresident , Sidi Ould Cheikh Abdallahi  nokwa kwatela komesho oshilongo Mauritania fiyo  2019.

Okwa kala ataalela omatamaneko momangu oyo taihangwa moshilando pangelo , Nouakchott,  okudja mu January 2023, opamwe novatamanekwa vakwao veli 10 ovo vali ovanambelewa vopombada pefimbo lepangelo laye,  omo yoo mwa kwatelwa oo ali nale omuprima minsiter oshoyo ee minister dimwepo kwali.

Aveshe ovakala vataalela omatamaneko ayooloka mwakwatelwa elongifo pambabo leenghono doku pangela, ehalakanifo loimaliwa,  okuliyambapaleka vene okutumbulapo ashike imwepo.