Eenghendabala domalolelo oku hovela netunilo loudu wombuto yoHIV dakalekwa.

Eenghendabala doku hovela nokutunila oudu wombuto yo HIV  okudja moUganda, na South Africa okwa lopotwa dakalekwa manga konima eshi omapekaapeko opetameko oo aningwapo aulika kutya omukalo kauli dingi mokwaamena etandavelo lomukifi.

Oshikundaneki sho SABC news osha lopota kutya onghundana yokuyele inasha netunilo loudu wombuto yo HIV oya eta elineekelo liwa mokumona omuti wokutunila oudu wombuto oyo yatwaalela eemwenyo dovanhu mounyuni vakonda pee million 40, ovo vahapu vomuvo vadja moilyo longo yenenedu la Africa.

Olopota oya popya kutya omuvalu wovanhu vefike pee million 39 natango ova didilikwa tava lumbu noudu wombuto yo HIV vahapu vadja moilyo longo ya Africa.

Eenghendabala dokutunila oudu wombuto odili oshitopolwa shoshinyangadalwa tashuufanwa PrEPVacc, osho sha hovelele mu December 2020 notakutiwa ovanhu vefike pe 1 512 ovakala vaningilwa omalolelo veli pokati ko 18-40 nokwali tava talika fiyo opexulilo lomudo  2024.

Olopota aayo yapitifilwa oikundaneki metitatu okudja koprogramme oyo ikwetele komesho eenghendabala domalolelo okutunila oudu wombuto yo HIV oyati, eenghendabala oda dopa eshi omuti oo, oo ashike walipo mounyuni okutalika ngee ota udulu okulongifwa  nelineekelo loku tunila oudu wombuto yoHIV.