Dina Namubes wongudu yoIPC, oo ahoolululwa natango onga mayor welelo lodoropa yaSwakopmund

, okwa denga omufindo nghene ovakufimbinga aveshe shafimana kuvo moku hanga omalalakano onakwiiwa yodoropa.

Namubes okwa hoolululwa konima eshi omahoololo ali akatalekwa omwedi wadileko,  eshi oidjemo ya Namubes na  Matthias Henrichsen oku kondjela oshipundi shou  mayoral yali yelihaka shifike pamwe.

Aveshe oveli oshitopolwa shehengumikilo leengudu dopapolitika melelo ldoropa omo Namubes afikamamo kokatekete kongudu yo IPC,  omanga  Henrichsen yee woSwakopmund Residents Association.

Ehangumikilo leengudu ola kwatelamo ongudu yo IPC, Swakopmund Residents Association (SRA), oshoyo ongudu yo  Landless People’s Movement (LPM), oyo takulopotwa opo yatukumwe noku vawaimina omwedi wadileko.

Henrichsen ,  yee okwa hoolululwa natango onga oshilyo shelelo leungaungo lo  committee, omanga David Am-!Gabeb wongudu yo UDF,  yee tatwikile noku kala poshipundi shoupedu mayor.

Moinakuwanifwa yeungaungo lo commitee ina mudidilikwa namo elunduluko lakula,  eshi Wilfred Groenewald wo SRA, Blasius Goreseb wo LPM,na Petrus Shimhanda wo IPC,   aveshe vahoolululwa onga oilyo.

IPC councillor Klaus Goldbeck , yee ota ka kwatela komesho paife onga councillor awedwapo, omanga councillor wongudu yo  Swapo  Suamma Kautondokwa ,  Heinrich Nghidipaya, oshoyo Erkkie Shitana  navo valulilwa oinakuwanifwa yavoo.