Mayor gondoolopa Oshikuku ota gandja etumwalaka lyo Chrismas nomumvo omupe

Mayor gondoolopa ya Oshikuku Julia Endjambi okwa gandja etumwalaka lye lyoChrismas nomumvo omupe kaakalimo yomondoolopa naayehe mboka ta yeya mondoolopa moka, opo ya hinge nawa noku hupitha oomwenyo. Endjambi okwa pula wo opo mboka taya thigipo omagumbo gawo  ya lombwele aashinda opo ya tonatele omagumbo gawo  kaga ponokelwe koombotsotso ethimbo yaapo. Okwa ti omumvo 2024 nagu kale omumvo gwiilonga moku yambulapo ondolopa ya Oshikuku.