Zahara, ota hokololwa kuvahapu ali eyambeko lakula moshikondo sho musika

Omufindani wepapa lomusika yo Afro- Pop mo  Bulelwa Mkutukana, oo akala ashiivika nawa noshilukadina Zahara, oo kwalopotwa axulifa omandaxa,  ota hokololwa kuvahapu ali eyambeko lakula moshikondo shomusika moshilongo nopondje yoshilongo.

Omukanda oo wapitifilwa oikundaneki okudja kuminsiter yomifyuululwakalo moshilongo,  Zizi Kondwa okwati Zahara , okwa kala atambulilwa moshipangelo moule womafiku adjako omolwo upyakadi wexuli.

Zahara ounghulungu waye owa konekiwa nawa konima eshi ali apitifa o album yedina Loliwe mo 2011 oyo yatalika yadana onghandangala yakula menenedu la Africa.

Mo 2019, Zahara  okwali yoo eleeta poluhaela okupopyamo nghene takendabala okweefapo oupika woikolwifa oyo yemukwatako.

Mr Kodwa meshangelo laye olo atula koikundaneki yomalungula tapopi kutya,  oshikondo shomushika osha kanifa omunadjungu oo ali shikwetepo.

Otaku lopotwa axulifa omandaxa mokati koufiku moshipangelo osho tashi hangwa mo   Johannesburg mepipi lomido 36.

Ovapambele vaye opamwe naavo vakala vemushi nawa, otave muhokolola ali eyambeko moshiwana nokwafiya omwaka wakula moshikondo shomusika

Zahara,oo apitifa ee  albums, dili 5 okwa didilikwa yoo afindana omapapa mahapu okudja moshilongo nopondje yoshilongo nomo  2020, okwali atulwa koshivalo shomusholondodo wovakainhu 100 moshikundaneki sho BBC.