Omukainhu womido 46 elituwa axulifa moRundu

Olutu lomukainhu womido 46 oo atumbulwa nedina kutya oye Kapapero Ndano ola hangwa latya eehoma doipute omandaxa molukanda laTumweneni  olo tali hangwa moRundu.

Olutu ole lituwa komweenda nandjila lwopopepi noluumbo lonele yoyeekelwashi.

Nakufya otaku hokololwa taulike atuwa lwoikando ihapu noshinima shahonga shiheshiivike noku xulifila poshiningwanima.

Ehokololo lopolifi olati Ndano, okwe lixulilwe okumonika lwaxuuninwa kovashiinda oufiku woshoondaxa.

Shelikwatelela kehokololo lokamona mati komido dili 8, okati meme wako okwa dengelwa ongodi komunhu eheshiivike opo nee meumbo tadimo afiya apatela okamona meumbo nokuya.

Nakufya ota hokololwa yoo olutu laye taluulike akwatwa keenghono omanga ina dipawa.

Opolifi nande ongaho oili yoo tainingile omakonaakono ohondamati yanakufya oo pefimbo eli takutiwa okuli metonatelo lopolifi.

Omavalulo oPolice okwa ulika kutya, Omuvalu woimbuluma mo Namibia unene  oyo inasha nomahepeko opaixulo, omadipapo oshoyo omanyenyepeko kolutu  oili ya hapupala.

Momudingonoko waRundu amuke , omwa didilikwa ehapupalo loimbuluma mo  2023 okushiyelekanifa nomudo wo2022.

Olopota yopolifi oyati,  omudo wadileko oiningwanima yomakwato keenghono oyali yalopotwamo ifike po 25,  omanga momudo woneudo yalopotwa ifike po 31.