Omulumenhu womido 25 moUganda, apewa ehandukilo modolongo lomido 105 eshi adipaya eehondakadona daye 3 nohananha.a

Omulumenhu wo 25 omukwashiwana wa Uganda oo kwalopotelwe adipaya eehonda kadona daye dili 3 nokanona,  okwa pewa ehandukilo lomido dili  105  modolongo

Musa Musasizi ota kulopotwa apewa ehandukilo okudja momangu yopombada taihangwa mo Kampla onghela,  konima eshi aitavela kutya okuna ondjo medipao lovakainhu veli 3 ovo vali eehonda daye oshoyo ohanona yeemwedi dili 3 yali okanona kaumwe womoonakuningwa oihakanwa yomadipao.

Otakulopotwa efimbo loshiningwanima aponokela oonakuningwa oihakanwa noku vaningila omahepeko opaixulo nokonima teva dipaya, taxwikepo omalutu aavo nokukupulashi omalutu oo axwikapo.

Omutokoli momangu pefimbo ayandja ehandukilo lomido dodolongo talombwele omangu kutya, ehandukilo ola yandjwa nonyanya opo shiyandje efano lokwaamena ovakainhu moshilongo.

Musasizi ota kulopotwa akala atulwa moipandeko okudja mu March 2021.

Pefimbo lelombwelo lomangu omupopiliko waye wopaveta okwa pula omangu yimufile onghenda, tapopi kutya Musasizi, okwa kala okanona komomapandavanda oko ina kamona outeku wovadali vako.