Aakondjelimanguluko angaleni aakengeleledhi-uuministseli wo defence niipambele yoonakulwa aakulu

UUministeli wo defence niipambele yaakondjelimanguluko owa londodha aakondjelimanguluko kombinga yo scheme yuukengeleledhi ,wa kwatelamo oohandimwe tayati oyeli aanambelewa yuuministeli,taya odheke unene aakondjelimanguluko taya pula uukwatya wawo woombaanga.

Uuministeli momushangwa gohela owati aakengeleledhi otaati otaya futu oohandimwe mboka inaaya futwa iimaliwa yawo yoopololeka.

Omukuluntu gwiipambele yoshigwana muuministeli Petrus Shilumbu okwiindiile aakondjelimanguluko opo yaaha gandje uukwatya wawo woombaanga nenge uuyelele kaantu mboka yena omahokololo gafa mpoka.

Tati uuyelele auhe wa pumbiwa kuuministeli otau gandjwa ashike koombelewa dhuuministeli  dhopaitopolwa 14 moshilongo ashihe.

Nokwiindiile aakondjeli manguluko ya lopote kehe omuhandimwe tati okuli omunambelewa guuministeli ta pula uuyelele wawo woombaanga,kopolisi yopopepi.