Abdel-Fattah al-Sisi, oye natango afindanapo omahoololo onga omupresident waEgypt.

Olutu lopashiwana olo hali ungaunga nomahoololo mo Egypt (NEA) Omandaxa ola yandja eingido kutya omupresidet akala koshipundi Abdel-Fattah al-Sisi, oye natango afindanapo omahoololo onga omupresident woshilongo,  osho sha kalelalapo ee  89.6% defindano.

Oshongalele osho shali sha ningilwa oikundaneki mo  Cairo, oo eli omunashipundi wo NEA Hazem Badawy,  okwati oshiwana shifike lunga pee million  44.8  okudja moshilongo nopondje yoshilongo osha li shakufa ombinga osho sha kalelapo ee 66.8 % daavo vali velishangifa oku kahoolola.

Hazem Omar, eli omukwateli komesho wongudu yo Republican People’s Party, yee okwa djamo nefindano lee  4.5 % dovahoololi,  alandulwa kongudu yo  Egyptian Social Democratic Party’ oyo taiwilikwa ku Farid Zahran, oshoyo ongudu yo  Egyptian Wafd Party’s Abdel- taiwilikwa ku Sanad Yamama.

Konima yeshiivifo loindjemo yomahoololo omupresident , Sisi okwa yandja etumwalaka koshiwana kutya, oshaninga etokolo loku muhoolola noshili oshinakuwanifwa shaye oku kwatela komesho oshilongo teshiningi mouyuuki .

Omahoololo moshilongo  Egypt,  okwa hovelele mo  10-12 Dec,  omanga ova Egypti ovo veli pondje yoshilogo voo vali vapewa omito yoku hoolola okudja mo 1-3 Dec,  okudja moilongo 121 omo tava hangwa.