Uukongo waali paveta onkee uli eshongo moshilongo-Pohamba Shifeta

Minister gomidhingoloko,omakuti nomapashiyono Pohamba Shifeta okwati uukongo waali paveta onkee wuli eshongo moshilongo,nonando ya dhidhilika eshonopalo lyuukongo nuumvo.

Minister tati oompanda 48 odha dhipagwa nuumvo,okuyeleka noompanda 92 mo 2022,omanga oondjamba 8 dha dhipagwa nuumvo,okuyeleka na 4 mo 2022.

Ta gwedhako kutya oku kalekapo uunshitwe onkee sha taalela eshongo lyuukongo,niikolokosha pokati kaantu niithitukuti,iinima mbyoka tayi tsikile okushuna monima omapondolo oku kalekapo uunshitwe niithitukuti.

Tati oya pumbwa okwiimanga kumwe onga aanipambuliko oku kondjitha eshongo ndika.

Nuuministeli okuza mo 2019 owa futa oshimaliwa shoodola oomilion 31.7 omolwa ekanitho lyeetithwa kiikolokosha yaantu niithitukuti.