Antonio Guterres aulika oukwao wananghali waye kwaavo vaningwa oihakanwa yekakamo ledu moChina.

Hamushanga wehangano loiwana yahangana  Antonio Guterres okwa ulika anyematekwa noku halwifwa kekekamo ledu olo ladenga oshitukulwa sha China.

Oshikundaneki sho Xinhua osha lopota kutya, Metumwalaka lahamushanga ndjai olo atumina oikundaneki okupitila momupopiliko waye Stephane Dujarric onghela metivali okwati,  oshiningwanima shekakamo ledu oshili tashi nyemateke oshe sha twaalela eemwenyo dovanhu nokufiya vahapu vamonifwa oiponga, omanga omaliko nao afiwa ahalakanifwapo.

Dujarric taulike oukwao wananghali pamwe novanhu oshoyo epangelo la China nokwa halela eveluko lodiva ovo vafiwa vamonifwa oiponga.

Guterres okwati okuli yoo audifwa nawa keenghendabala domakwafelo opaulumo mumbwe odo dakatukwa kepangalo la China okuyandja kwaavo vaningwa oihakanwa.

Okwati oshikondo shovanambelewa mehangano loiwana yahangna oshili yoo shelilongekida oku kayambidida China monghalo omo elimo.

Ekakamo ledu loshivixa  6.2- otakulopotwa ladenga omudingonoko wa Gansu oshoyo oshitopolwa sha  Qinghai laholokele oufiku womandaxa noku twaalelelifa eemwenyo dovanhu vefike po  131.