Enyakwa kwali nale moudano wovanhu vena omaulema mo South Africa, Oscar Pistorius amangululwa.

okwa lopotwa amangululwa okudja modolongo omo akalamo oule womido tadi likokele paife po 11 konima eshi ali amonika ondjo moku dipaya ohonda kadona yeye Reeva Steenkamp.

Ovanambelewa voshilongo sha SA oveshi koleka onghela kutya , Pistorius  okwa mangululwa pafilonghenda nokuli keumbo lavo.

Ina ya nakudala okakadona kwali ka Pistorius, talombwele oikundaneki kutya,  okuli atambulako etokolo opo oshitenya shaye kwali  Pistorius shikale sha mangululwa, ashike okwa ulika ouyehame woku kala vehena vali okanona kavo tautwikile fiyo alushe.

Mo 2012, Pistorius ota kulopotwa ali amona epapa lefindano koudano wo   Olympics, nokonima ashike yeehani dili 6 okwa ka lopotwa a yasha okufya ohonda yaye Ms Steenkamp,  emuyasha lwoikando ihapu okupitila momuvelo woka shaishe keumbo lavo.

Pistorius, oo mopaife taku hokololwa kutya okuna omido dili  37, okwa lombwelele omangu pefimbo lepangulo kutya okwa yasha papuko kahewa kaye kopaihole efiku oolo.

Eshi mopaife amangululwa ota kulopotwa yoo atulilwapo omilandu veta odo ena oku landula pefimbo eli podje yodolongo,  omo mwakwatelwa ngaashi okukala meumbo efimbo alishe eevili donumba,

ina pitikwa oku kala peendingosho, nokwa kelelwa yoo oku popya noikundaneki.