Oshikondo sho Blood Transfusion Service of Namibia tashi pula oshiwana shiyandje omakwafelo ohonde meendelelo, omolwo mumbwe yohonde.

Oshikondo shinasha nomayakulo okuyandja ohonde moshilongo sho , oshati oshili moupyakadi womumbwe yohonde.

Momukanda oo watuminiwa oikundaneki onghela okudja kwao eli omunambelewa hapopileko oshikondo sheandjakaneko lohonde Titus Shivute,  okwati oshikondo oshili monghuwo ina onghambe nota shipula ova Namibia veli yambe moku kwafela okuyandja ohonde opo oupyakadi udule oku kandulwapo.

Okwati okwa kala kwa didilikwa ekwafo loku yandja ohonde layuka pombada pefimbo loivilo yomatango manene momwedi wa December, omo mwa li mwakwatelwa ovo vaningilwa omatando, oshoyo ovo veli momaupyakadi akwao taa pumbwa okwafo lohonde meendelelo okudja moipangelo yayooloka yoshilongo.

Okwati ohonde oyo ilipo mopaife oya wana ashike okuyandja omakwafelo moule womafiku eli 2 twa taalela,  nomolwaasho Shivute, tapula oshiwana pefimbo tashaalukile keefikola oshoyo keenele doilonga shika yandje ohonde peenele odo dili popepi doku yandjela ohonde.