Ovanhu 3 vadipawa omanga omaumbo neengeshefa dafiwa daxwikwapo koilyo yongudu yo Jihadist moMozambique.

Oilyo yongudu youkulo yo jihadist okwa lopotwa yaponokela omukuda tauhangwa mo nooli ya Mozambique noku fiya ovanhu veli 3 va xulifa,  omanga omaumbo neengeshefa dovakwashiwana dafiwa da tomekwa ondalu yanelyanga.

Eedjo dopambelewa moshilongo osho onghela oda lopota kutya oshiningwanima osha ningilwa momukunda Ntontwe  tauhangwa mondjila yakula  oyo yafindikila koshitopolwa shonooli ushilo sha Cabo Delgado,  osho sha kala noku didilikwa oiponokela yayooloka omafimbo nomafimbo aka dilongela.

Eelopota odati konyala omaumbo ovakwashiwana akonda po 43,  okwa fiwa axwikwapo filu pefimbo loshiponokela osho sha holoka metitatu.

Omukunda waningwa oshihakanwa, otaku lopotwa tauhangwa eekilometa dili 20 monooli yoshilando Chinda,  osho tashi hangwa okamba yakula yetanga lahomata laRwanda  lakala  la andjakanekelwa momudingonoko oku kelela ovanamapove, ovo vakala noku hepeka omudingonoko okudja mu October 2017.