Ehovelo leefikola moZambia lakalekwa manga oule woivike ili 3 ili komesho, omolwo etukuko lomukifi wo Cholera.

Eefikola dounona moshilongo Zambia odo kwali dina oku yeuluka onghela okwa lopotwa ina di hovela vali omolwo eenghendabala doku kelela etukuko lomukifi wo Cholera moshilongo.

Olopota oyati ounona ovena oku teelela natango oule woivike ili 3 ili komesho,  opo vadule oku hovela nawa omanga onghalo taitonatelwa.

Omuvalu wovanhu vedulife po 200 ota kulopotwa vaxulifa mo Zambia,  oku hovela momwedi wa October 2023, omolwo mukifi wo Cholera.

Eelopota odati moule weevili 24 adike daka dilongela,  ovanhu vefike po 27 ova lopotwa xulifa.

Zambia osha talika shili shimwe shomoilongo ili 18 mounyuni oyo ya didilikwa etukuko lomukifi wo  cholera,  ngaashi shili palopota yendiki loku kelela noku tonatela omikifi mu Africa.

OMukifi wo Cholera owa talika hautandavelifwa komeva noikulya ihena oukoshoki,  noha weetelele  ekanifo lomeva molutu,  omolwo nghungo noshimela nongeenge nakuningwa oshihakanwa okwa kala ina pewa ekwafo louhaku meendelelo ota dulu okufya.