Onghela omuvalu wovakwashiwana va Palestine ovaulika olupandu lavo ku SA, eshi atwala Israel komangu yoimbuluma.

Onghela omuvalu wovakwashiwana va Palestine ovali vangudumana moshilando shedina Ramallah ponele opo tapuhangwa oshihongwa fano shomupresident kwali nale wa SA Nelson Mandela,  tava ulike olupandu lavo kuSouth Africa eshi atulilamo oshilongo   Israel oshibofa komangu yoimbuluma paiwana (ICJ).

Ovakufimbinga pefimbo loshiningwanima ota kulopotwa vali vaheda omapulakata nomapandela  tava pula opo oita mo  Gaza ikale yaxulifwapo.

Oshihongwafano sha Mandela osha talika sha kalelapo epopilo lova Palestina  Gaza oshoyo mo West Bank pamwe nova kwashiwana ovalaule va  South Africa ovo vali moukoloni.

Oo eli mayora  woshilando sha Ramallah, Issa Kassis ponele yovahololi madilaadilo  okwa ulika olupandu laye kepangelo la South Africa, konghatu oyo lakatuka okutulilamo Islaeli oshibofa komangu yoimbuluma paiwana, shinasha nomadipao manyanyalifa oo aningilwa ova Palestine ku Islael.

Epwilikino loshibofa aasho okwa teelelika likale lahovela nena.

Oilongo ikwao ili 5 mwakwatelwa Jordan, Turkey, oshoyo  Malaysia nayo oya ulika eyambidido layo pauyadi moshibofa shatulilwamo Israel,  omanga oilongo oyo yaulika ili ominge noshibofa mwakwatelwa  Israel na United States.