Aa Zambia taya kunkililwa yaye komikunda okuyanda etaandelo lyomukithi go Cholera moondoolopa

Omupresitend gwa Zambia Hakainde Hichilema okwiindiile aantu ya tembukemo moondoolopa okuya komikunda ,sha landula omaso gaantu ya thika 300 geetithwa komukithi go Cholera.

Tati Uuyogoki waaheli nawa momahala gamwe ngoka guudha moondoolopa otashi londeke iipotha yo chorela.

Nokwiindiile aantu ya tembukile komikunda hoka kwaagundjuka nokuna uuyogoki uli nawa.

Iipotha yo cholera ya konda 7500 oya lopotwa moshilongo ashihe okuza mu October.

Moowili 24 dha piti,iipotha iipe ya konda 500 oya lopotwa nomaso 17 shiikwatelela kuuministeli wuuhaku.

Ooskola itadhi tameke manga onga omukalo keelelo.

Nomukithi ogwiiteyela kiikandjo 8 yomiikandjo 10 moshilongo.

Ehangano lyuundjolowele muuyuni olyuuvaneke tali tumu ootuntila dhomukithi dhili pomilion 1 okuthika molyomakaya ndjika.

Oshishiindalongo Zimbabwe nasho otashi kondjitha omukithi go cholera omolwa ompumbwe yomeya.