South Africa okwati opena uumbangi womadhipago gakwaanohenda ga ningwa ku Israel mo Gaza

Aatamaneki ya S.A ya lombwele ompangu yo International Court of Justice kutya iiwike yahugunina 13 yiiponokela mo Gaza oyili uumbangi womadhipago gakwaanoohenda.

Onzonkundana yo Eyewitness news  oyati S.A ota pula ompangu yi tale komikalo dhoka tadhi ka eta pehulilo iiponokela yetanga lyopakwiita lya Israel mo Gaza,oshowo omakwatho ga pitikwe gaye moshikandjo sha kondekwa.

S.A otati Israel ota pogola o UN Genocide Convention, nepangelo olyuulika elalakano oku dhipaga aa Palestine.

Aa Palestine ya konda 23 000,etata lyawo aanona, oya dhipagwa ku Israel,ngoka a yamukula koshiponokela sho Hamas moshikandjo she  mu 7 October.

Advocate Adila Hassim okweegulula omanyenyeto gopakana nogopaveta komeho yaatamaneki yeli 17 mompangu yili mo Hague,ta tothamo onkalamwenyo mo Gaza kohi yekondeko lya Israel kaa Palestine yeli poomilion dhili 2.

Nokwa wayiminwa ku Advocate Thembeka Nqcukaito,ngoka a lombwele ompangu kutya epangelo lya Israel olina elalakano oku dhipaga aa Palestine ,naaleli yalyo oya kala noku popya oshinima shafa mpoka   olundji.

Oshipotha otashi pulakenwa sigo ongula.