Namibia ota kondema iiponokela ya Israel mo Gaza

Namibia onkee teendulula kutya ota kondema Israel ngoka ta dhipaga aakwashigwana yaahena ondjo ,noku etitha omatulululo gaa Palestine mo Gaza Strip oshowo moshikandjo Palestine.

Shika oshiikwatelela komunambelewa kuluntu guuministeli wiikwapondje yoshilongo nomalongelokumwe gopashigwana Penda Naanda momushangwa gohela.

Naanda tati Namibia onkee a thikama ponkatu kutya shoka tashi ningwa ku Israel mo Gaza oshi thike pomadhipago gaakwaanohenda.

Na Namibia ota yambidhidha oonkambadhala adhihe dhopashigwana tadhi lalakanene okwaadha ondjodhi yemanguluko lyaa Palestine.