South Africa a tulilemo Israel enyenyeto lyopaveta ,ndyoka tali pulakenwa ngaashingeyi kompangu yo International Court of Justice

Ompangu yiigwana ya hangana yo International Court of Justice otayi  pulakene oshipotha sha   tulwamo ku S.A ,ngoka ta gandja ombedhi ku Israel okudhipaga aa Palestine oshiningilawina mo Gaza.

O BBC oya lopota kutya southa africa ota pula wo opo iikonga yopakwiita mo Gaza yiye pehulilo.

O ICJ otayi ka gandja omaiuvo gawo komafekelo gomadhipago gakwaanohenda ngoka ga tulwamo ku S.A ,molwaashoka oshipotha kashili palupe loshipotha shoshimbuluma,ashike otashi talwa nuukeka.

Israel okwa tindi omalundilo ngoka.

South africa okwa fala oshipotha she kompangu ,notashi pulakenwa nena sigo ongula.

Moshipotha nenge mo submissions,S.A otati oonkatu dha Israel otadhi lalakanene okweeta eyonagulo enene mo Palestine nokaantu ye.

O ICJ oyili ompangu yopombanda yiigwana ya hangana yili mo Hague sha Netherlands,nomatokolo gawo ogaha ziminwa koongundu nenge kiilyo  yompangu,mbyoka ya kwatelamo S.A na Israel,ashike ihaga tulwa miilonga nenge ihaga dhengele.

MO 2022 ompangu ndjoka okwali ya gandja elombwelo ku Russia a kuthemo aakwiita ye mo Ukraine,elombwelo ndyoka  liidhimbikwa sigo omonena.