Uukumwe pokati ka Namibia na Angola nau kalekwepo-Netumbo Nandi Ndeitwah

Omupevi prime minister nokuli ominister yiipambele yopashigwana nomalongelokumwe Netumbo Nandi Ndeitwah okwa tumbaleke epangelo lya Angola,okupitika aanafaalama aa Namibia ya lithe iimuna wawo mevi lye.

Pethimbo lyoshigongi shopamuhanga nambushe miilonga gwa Angola Tete Antonio ko Helao Nafidi ohela,Nandi Ndeitwah okwati shika oshuulike uukumwe uuwanawa pokati ka Angola na Namibia.

ta gwedhako kutya oteendulula olupandu lwepangelo lya Namibia ku Angola okupitika aanafalama aa Namibia ya lithe oongombe ko Angola omolwa oshikukuta mo Namibia nompumbwe yevi lyuunapelo kitopolwa yokonooli yoshilongo onga oshizemo shelunduluko lyonkalo yombepo.

Omanga oominista mbali inaadhi tsakanena ko Helao Nafidi,okwali dha talelepo kOndjiva moshikandjo Cuneee  mo Angola ,nokuya moonkundathana naanafalama aa Namibia mboka taya litha ko Angola kombinga yongushu yuukumwe uuwanawa niishiindalongo.

Na Ndeithwah okwa gunu aanafalama unene yaza moshitopolwa Ohangwena yaaha pogole ooveta dha Angola.