Epangelo laZambia lapewa osha li sho miti doku tunila oudu wo Cholera.

Epangelo la   Zambia onghela omandaxa okwa lopotwa layakula oshipandi shotete shomuti woku tunila omukifi woCholera oku dja kehangano louhaku mounyuni WHO.

Omiti otaku lopotwa difike pomata 1.4 million, odo tadi kapewa omuvalu wovanhu veli moupyakadi womukifi meenele dayooloka doshilongo.

Olopota oyati omiti doku tunila ota dikapewa ovanhu okudja pokanona kodula imwe okuya pombada meenele odo datofwamo dili moshiponga, ngaashi moshilando pangelo Lusaka omo mwa talika omo unene muna omukifi tau ta ndavele nokwee ndelela

Olopota oyati omuti ouli oshitopolwa shomata omiti difike po 1.7 million  odo daudanekwa oku yandjwa kehangano louhaku mounyuni (WHO), United Nations Children’s Fund (UNICEF), oshoyo ehangano lo Gavi.

Oo eli oMinister youhaku moshilongo Zambia Sylvia Masebo okwati,  oshipandi shikwao shomiti ota shikafika meni lefimbo lixupi moshilongo noku pewa oshiwana shili moupyakadi.

Okwati omolwo omumbwe yomiti ita diwanene keshe umwe, epangelo ita lika tunila keshe umwe,  ndee otaku ka yandjwa ashike omakwafelo kovanhu ovo vatalika veli meenele dili moshiponga.

Minister moshipopiwa shaye tayandje olupandu koikondo oyo yalongela kumwe moku dulikififa opo omuti udule oku yandjwa moshilongo mekondjifo lomukifi wo cholera.

Fiyo opapa omuvalu wovanhu vaningwa oihakanwa yomukifi moshilongo Zambia, owa fikama po 9,580,   omanga 374 valopotwa vaxulifa.