Netumbo Nandi Ndaitwa, na mbushe waye moilonga waAngola, va talelapo ohamba yaUkwanyama.

Omupedu prima minister noku li yoo ominister yomakwatafano nelongelo kumwe Meme  oshivike shadjako eshi ali aka potokonona oshikumungu shovaNamibia tava lifa oimuna yavo mo Angola, okwa mona yoo omito oku talelapo ohamba yoshitunda shauKwanyama meekulu Mwadinaomho Martha ya Kristian Nelumbu.

Netumbo Nandi-Ndaitwah,  kouhamba otaku lopotwa ali ayako pamwe nambushe waye moilonga wAngola , Ambassador Tete Antonio.

Pefimbo letalelepo lavo kouhamba eeminister dopaveli   oda yelifa nghene Namibia na Angola  tava twikile noku kala mekwatafano liwa nolakola olo latungilwapo keenghulunghedi, onakudiwa, ekwatafano loukwao wananghali, oukaume oshoyo eliyandjelo olo latulilwepo pefimbo lekondjelo manguluko latilifileshi ohonde yavahapu.

Netumbo Nandi Ndeitwah oshivike shadjako otakulopotwa ali aya konooli yoshilongo komudingonoko wa Helao Nafidi,  oko aliko moshongalele pamwe nambushe waye moilonga wa Angola osho shali tashi tale keenghendabala doku pitika ova nafalama vaNamibia va pitikwe oku twikila okulifa meni lAngola. Konima yoshidjemo shoshoongalele,  Ndeithwah okwa pula ovanafalama va Namibia vadulike noku luufa komilandu veta odo vatu li lwapo kepangelo la Angola.