Epangelo laZambia ola hovela nomatunilo ekondjifo loudu woCholera.

 Eelopota doikunaneki odati oku dja metivali, omalelo okwa hovela noku yandja omayakulo ounamiti modoropa ya Matero, oyo ili imwe yatalika yakumwa unene ketukuko lomukifi.

Eelopota doikundaneki oda popya kutya,  fiyo opapa omuvalu wovanhu vefike po  363 ova twaalelwa komukifi wo Cholera,  omuvalu oo wa fikamenapo  30% dounona vashona veli koshi yomido 5,  omanga ovo vaningwa oihakanwa omuvalu wavo wafikama povanhu vedulife po 9,500.

Etukuko lomukifi ota kulopotwa la hovelele pehovelo la October 2023,  noku tandavela moitopolwa yayooloka yoshilongo ashishe , ashike omuvalu uhapu waavo vaningwa oihakanwa owa lopotwa unene moshilando pangelo Lusaka.

Onghalo otai hokololwa yafininika epangelo liundulile komesho etameko leefikola dounona odo dali dina oku hovela mo  8 January 2023,  omanga oshilongo shili mekondjifo loku xulifapo etandavelo lomukifi.

Omandaxa omalelo oshilongo Zambia,  okwa lopota adimina noku tambula oshipandi shotete shomuti wokutunila ufike pomata 1.4 million oo ayandjwa okudja kehangano lo GAVI, opamwe noikondo ikwao yopaunamiti.

Etukuko lomukifi woCholera  mo Zambia oleya pefimbo oshilongo shili moupyakadi womuloka uli pombada, oo waetelela omafundja mee nele dihapu.