Bobi Wine ako ndekelwa meumbo kovanambelewa voku kalekapo eameno.

Umukwateli komesho wongudu yomilameno yakula mo Uganda onghela metine okwati eumbo laye ola kondekwa kovanambelewa vopolifi opo aha djemo pefimbo ahangwa teli longekidile oku unganeka ehololo madilaadilo.

Ovanapolitika veengudu domilameno moUganda ovali vena omafaneko oku kufa ombinga mehololo madilaadilo onghela, tava ulike vehe uditile ombili onghalo yeendjila danghundipala moshilongo.

Wine, oo ali omushiki ngalo ashiivika nawa moshilongo, nomopaife okuli omunapolitika, okwati ovanambelewa vopolifi opamwe novakwaita vetanga leameno ova kondeka eumbo laye olo tali hangwa momudingonoko wa  Magere, opo ahandjemo.

Meshangelo olo atula komapadja omalungula opaungoba Wine okwati, nonande eumbo laye lakondekwa komavaya oo elilepo eameno moshilong, ehololo madilaadilo olina okupula komesho.

Wine, oo edina laye lolela olo  Robert Kyagulanyi,  ota kulopotwa ali omukondjifi akula womupresident akala koshipundi oule wefimbo mo Uganda, Yoweri Museveni pefimbo lomahoololo oo aliko mo   2021.

Oo yoo ali naye omukufimbinga momahoololo oupresident moshilongo osho,  Kizza Besigye wongudu yo Forum for Democratic Change naye onghela okwati,  eumbo laye nalo olapita lakondekwa kovanambelewa voku kalekapo eameno noinavadula oku djamo.