Omulumenhu womido 46 atulwa moipandeko eshi akala noku ya moixulo nokanona komido 12, kadalwa kumwaina.

Omulumenhu womido dili 46 okwa teelelika akale aholoka komesho yomangu ya magistrate wa Lüderitz mo mondaxa,  konima eshi taku lopotwa akwata keenghono okanona kokakadona komido dili 12 kadalwa kumwaina osho akala noku shininga moule womido dili 2 da ka dilongela.

Olopota yopolifi okudja kwao eli omukonaakoni woimbuluma elilepo oshitopolwa sha||Kharas,  Deputy Commissioner Nikodemus Mbango onghela okwati,  omufeekelwa oo eli xekulu yokanona okwa kala noku ya moixulo nokanona okudja ashike eshi kali kena omido dili 10 akala noku shininga lwoikando ihapu. Oshikando sha xuuninwa ota ku lopotwa sha holoka onghela lwopo 04h00 molukanda ledina  Amilema , olo ta li hangwa modoropa yomukunghulofuta.

Omufeekelwa ota ku tiwa okwa ningila okanona omatilifo oku ka dipaya ngeenge osho haningile okanona okeshi popi komunhu. Mbango okwati omufeekelwa oye eli hafile oshisho okatekulu noha vadi meumbo limwaalike.