Endiki lyokankela lyo House Acacia otali kala noku longa momahulilo shiwike

Ehangano lyokankela moshilongo olya lelepeke omayakulo galyo gepango lyokankela oku kwatelamo omahuliloshiwike ko House Acacia,egumbo lyopakathimbo lyaavu yokankela okutameka mo 01 February.

Nale epango lyokankela ko House Acacia okwali lya kalekwa momahuliloshiwike,naavu okwali haa lalekwa.

Omayakulo ngaka ogaavu mboka haya kala pondje ya Windhoek,ashike ohaya pangwa moshilandopangelo.

Moonkundana no Nampa ohela,omunambelewa kuluntu gwehangano lyokankela moshilongo Rolf Hansen okwati omwaalu gwaantu yena okankela moshilongo ogwiindjipala,shoka sheetitha etokolo.

Tati omagumbo takamithi galwe,mwa kwatelwa gopaumwene,ohaga longo momahulilo shiwike,noshili mondjila opo nayo ya wayimine,noku yambidhidha aavu oyendji ,peha lyokuya shunithako momahuliloshiwike.

Mboka yeli mendiki ndyoka oyena omuhandjo,nohaya pewa okulya lu 3 mesiku,noku falwa komandiki guuhaku yaka pangwe.

Ta gwedhako kutya aa Namibia mboka yeli mompumbwe yopashimaliwa otaya hiywa ya ninge eindilo lyomuhandjo koombonge dhehangano mo WHK nenge okupitila ko website yawo.