O SADC na Africa alihe taya lili omuleli gwa Namibia

Aaleli okuza miilongo ya yooloka ya Africa oya wayimine aa namibia okulilila omupresitend Geingob.

Onzonkundana yo Xinhua oya lopota kutya omupresitend gwa Bostwana Mokgweetsi Masisi okwa hokolola kutya nakusa Geingob okwali kuume kashili ka Bostwana.

Noya simaneka eyambidhidho lye okutunga uukumwe pokati kiilongo yopaali.

Masisi okwa thiki mo Namibia nena ,nokwa tegelelwa a shune konima yethimbo.

Nokwa gandja elombwelo opo omapandela ga Bostwana ga tsikilwe etata moshilongo ashihe okuza ohela sigo Geingob a fumbikwa.

Omupresitend gwa Zimbabwe Emmerson Mnangwagwa okwati oshitopolwa sho SADC osha kanitha omukondjelimanguluko nenyakwa.

Notaya dhimbulukwa onkandangala ndjoka a dhana oku nkondopeka uukumwe mboka uli pokati ka Namibia na Zimbabwe.

Omanga gwa South Africa Cyril Ramaposa ati South Africa okwa wayimine aa Namibia okulila Geingob,ta gwedha kutya ezepo lye inali guma ashike aa Namibia,ashike olya guma wo oshitopolwa ashihe sho SADC na Africa.

Yalwe mboka gandja  omahekeleko ongaashi wo gwa Zambia Hakainde Hichilema,nogwa Tanzania Samia Suluhu.

Nangolo Mbumba,kwali omupevi presitend okwa ganithilwa miilonga ohela onga omupresitend gwa Namibia omutine.