Omutamaneki omvalele ya Uganda Julia Sebutinde okuulikwa onga omupevi presitend go International Court of Justice

Omutamaneki omvalele ya Uganda Julia Sebutinde okuulikwa onga omupevi presitend go International Court of Justice yili mo Hague sha Netherlands.

Omutamaneki okwali a taalela omahilathano okuza moshigwana shomuuyuni sho a tokola eli ompinge nomikalo dhopaulumompumbwe dha pulwa ku South Africa omolwa iita ya Israel mo Gaza.

Nokwali omutamaneki awike okuza maatamaneki 17 yompangu ngoka a hogolola eli ompinge nomikalo adhihe 6 dha tulwapo kompangu yo ICJ,metokolo tali lombwele Israel a kuthe onkatu oku keelela oonkatu dhomadhipago gakwaanoohenda, sho ta kondjitha aakwiita yo Hamas mo Gaza strip.

Nepangelo lya Uganda olyati Sebutinde ina kalelapo epangelo lya Uganda ,noyendji taya ipula kutya omolwashike a hogolola eli ompinge noshipotha sha South Africa.

Ompangu oya tseyitha ohela kutya Sebutinde okwa hogololwa onga omupevi presitend gompangu uule woomvula 3.

Omutamaneki omvalele ya Lebanon Nawaf Salam okwa ningi omupresitend gompangu a pingenapo Joan Donoghue .

Sebutinde okwa longela ompangu ndjoka oomvula dha konda 10,nokwa kwatela komeho nenge a pulakena iipotha iinene,mwa kwatelwa shomupresitend omukulu gwa Liberia Charles Tylor.