Omuleli omukulu gwa Congo Joseph Kabila a popitha omuselekadhi gwa naksua Hage Geingob

Omupresitend omukulu gwa Congo Joseph Kabila ohela okwali a popitha omunyakadhi omukulu goshilongo Monika Geingos,sha landula eso lyomusamane gwe nakusa Hage Geingob.

Kabila okuli omuleli omutiyali gwa Africa ta talelepo omunyekadhi omukulu goshilongo ,sha landula eso lyomuleli omukulu ongula yosondaaha.

Ta shaina  embo lyomahekeleko kegumbo lyawo,Kabila okwa gandja omahekeleko komusekeladhi ,kaapambele naa Namibia ayehe.

Aalilisa okuza koombinga noombinga otaya talelepo egumbo lya nakusa mo Windhoek  ,mwa kwatelwa omuleli gopamuthigululwakalo gwa Ondonga Fillemon Shuumbwa Nangolo,omuleli go PDM Mcherry Veenani ,omuleli goshikonga sho AR Job Amupanda oshowo yalwe,

Opaalamende ya Zimbabwe nayo oya gandja esimaneko  ku nakusa Geingob.

Moka omupopi gopaalamende Jacob Mudenda ati Geingob okwa dhana onkandangala ya simana okweetapo o  Southern Africa Development Community Parliamentary Forum (SADC PF).