Oontotwaveta dha yooloka okwa tegelelwa dhi tulwe mopaalamende nuumvo,sho omumvo veta gonuumvo gwa tameke metiyali pambelewa

Omupresitend Nangolo Mbumba omanga tegulula pambelewa omutumba omuti 9th gopaalamende onti 7th metiyali okwati oontotwaveta dhimwe dhoka dha dhanekwa dhiikundwe omwa kwatelwa yo : Regional Constituency Fund Bill; o Health Professions Bill; o  Namibia Energy Regulator Bill; o  Electricity Bill; no Marriage Bill.

Dhilwe o:Child Justice Bill; Ombudsman Bill; Marriage Bill; Divorce Bill; Public Gathering and Demonstration Bill; Regularisation of Status of Certain Residents, Their Foreign Spouses, and Their Descendants Bill; no  Roads Bill and Vehicle Mass Bill.

Omutumba gopaalamende nuumvo otagu kaliwa kohi yehuku:Improved public engagement to meet the expectations of the citizens.’

Omupopi gopaalamende Prof Peter Katjavivi okwati ehuku otali dhimbulukitha aatotiveta iinakugwanithwa yawo oku kala nuukumwe noshigwana.

Tati ehuku otali dhenge omuthindo esimano lyaatotiveta ya pulakene,yaye moonkundathana noku kutha onkatu okuyamukula omashongo ga palamena oshigwana ,mwa kwatelwa egandjo lyomayakulo .