SWAPO ya simaneke noku dhimbulukwa omuleli gwawo omukulu koombonge dhongundu uusiku wa piti

Iilyo yongundu yo SWAPO,aayambidhidhi naaholi yongundu uusiku wa piti okwali ya ngundumana koombonge dhongundu mo Windhoek,okudhimbulukwa omupresitend omukulu gongundu nomutse goshilongo ,nakusa Hage Geingob.

Omupresitend a keelela ponkatu yuupresitend wongundu Netumbo Nandi Ndeitwah okwati iilyo yongundu naa Namibia naya kalekepo uuthiga ndjokonona wa Geingob, wuukumwe noku kwatelamo kehe gumwe.

Tati naya tsikile okutyapula onkalamwenyo ya Geingob neitulemo ,okutsikila okutunga ongundu yawo yopapolitika noshilongo shawo,kohi yegumbo limwe ndyoka kaapena ngoka ta kala uuvite a patelwa pondje.