Minister Naledi Pandor ta pula egameno lye li ndjekwepo

Omukuluntu goshikondo shiipambele yopashigwana nomalongelokumwe gopashigwana mo South Africa Zane Dangor okwati oshikondo oshina omaipulo gegameno lyaminister Naledi Pandor.

Shika osha landula sho minister  Naledi Pandor a lombwele iikundaneki kombinga yepopitho lyopapangelo lyoshigwana o SONA kutya okuna omaipulo gegameno lyaanegumbo ye.

O SABC oyati Pandor okwa kala ta shekwa nokuulikwwa omunwe, sho a kondema oonkatu dha Israel mo Gaza.

South Africa okwa fala Israel kompangu o ICJ omolwa omafekelo gomadhipago gakwaanohenda.

Na Dangor okwati oshikondo otashi ka kwashilipaleka egameno lya minister naanegumbo lye.

Epangelo lya South Africa olya ningi wo eindilo lyeendelela kompangu yo International Court of Justice okutala ngele omatokolo ga tseyithwa ku Israel okufala iikonga ye yopakwiita mo Rafah,ndjoka yeedhilila aantu oomilion, oga pumbwa ompangu yi longithe oonkondo dhayo, oku keelela natango epogolo lyuuthemba waa Palestine.