Oonkundathana dhinasha nompangela yoku kodhekapo iita mo Gaza otadhi ningwa nena mo Cairo

Aanambelewa okuza mo America,Israel,Qatar na Egypt otaaka tsakanena nena mo Cairo moonkundathana dhompito yoku hulithapo manga iita mo Gaza.

Omupresitend gwa America  Joe Biden uusiku wa piti okwati oonkundathana otadhi ka  tala kompangela ndjoka tayi ka kwata iiwike ihamano,nonando kapena shoka sha ziminwapo natango.

Oonzo odhuulike kutya oonkundathana mo Cairo otadhi tala kiiluku yopatatu yomulanduthaneko ngoka tagu ka etitha emangululo lyoonkwatwa noku adha etsokumwe lyoku hulithapo manga iita.

Ongundu yo Hamas oyati itayi zimine ompangela yasha ndjoka inaayi kwatelamo oku kuthamo aakwiita ya Israel thilu ,omanga Israel ati ita shaina ompangela yasha oku kodhekapo iita ,sigo okuvula kopakwiita ko Hamas kwa hanagulwapo.