Omukainhu taningwa ominister yetanga leameno oshikando shotete aulikwa moLiberia.

Omupresident waLiberia’Joseph Boakai  okwa ulika omukainhu wotete taningwa ominister yetanga leameno moshilongo.

Oshikundaneki sho BBC news osha lopota kutya Brigadier general Geraldine George, eli moshipundi shetulumuko, okwa ulikwa onga ominister tai kwafele moshikondo shetanga leameno konima eshi moshilongo mwa tukuka ehololo madilaadilo latukululwa kovakulukadi vovakwaita vetanga leameno onghalo oyo tai hokololwa kutya oyo yafininikifa oo akala ominiter yetanga leameno afiyepo oshipundi.

Oshili oshikando shotete omukainhu taulikwa oku kwatela komesho ouminitry weameno moshilongo,  ashike ina shiyelamo natango kutya omolwashike omuprsident  aulika  meme George, oye  kwatele komesho oshinakuwanifwa aasho pakafimbo.

Otakutiwa moule womido dili 6 dadjako,  okwa kala noshinakuwanifwa onga omupedu nambelewa omukulunhu moshikondo shetanga leameno.

Euliko laye oleya konima eshi oo ali aulikwa kuyele neudo onga ominsiter yetanga leameno Prince Charles Johnson 3,  elikufamo moilonga naashi osha landula kehololo madilaadilo latukululwa kova kulukadi vovakwaita metanga leameno omandaxa.

Ovakainhu vovakwaita pefimbo lehololo madilaadilo ota vapopi kuty, ovashamane vavo otava futwa koxulo yeenyala nonghalo yavo yeenele doku kala moilonga kaina eameno.

Ovakainhu pefimbo lehololo madilaadilo ota kulopotwa vali vaninga omainda meendjila doshilando pangelo oshoyo meenele dimwepo doshilongo nota va pula opo omupresident Boakai akaleke oshiindingili shetyapulo lopashiwana shetanga leameno osho shali shi,na okukalako mo mandaxa.

Mr Boakai okwa ile koshipundi kuyele neudo konima yoidjemo yomahoololo ashununamo yali ina efiyafano lakwata moiti pokati kavo naao ali nale omupresident woshilongo George Weah, momahoololo omu November omudo wadjako.