Omulumenhu akwatwa noku dipawa kokashelu moshitopolwa sha Musati.

Omulumenhu womido dili 41 okwa xulifa konima eshi taku lopotwa akwatwa kokashelu,  oshiningwanima aasho sha holoka momudingonoko woprojeka yoshikunino shoilikolomwa shEtunda mo  Ruacana moshitopolwa sha Omusati .

Nakufya okwa tongololwa nedina kutya oye Tjanyangwa Mupolo, ali omukalimo womomukunda   Otjivanda mo  Angola.

Omukonaakoni woshikondo shoimbuluma elilepo oshitopolwa sha Musati omo mwaningilwa oshiningwanima Moses Simaho okwati , oshiponga osha holoka onghela metivali lwopo  18h10.

Ehokololo ota lipopi kutya,  nakufya pefimbo loshiningwanima okwa hangwa ena ongodi yaye yopeke, elipyakidila nokulima nokonima eshi amona omuloka wafa tau divilike, okwa ka hondameka ongodi yaye momuti womwoongo eitonyene ngeno monailona, opo iha mone omeva,  nopefimbo opo okwa vakulwapo noku dengwa kokashelu.

Simaho okwati olutu lanakufya mopaife olili latuvikilwa monautalala yopolifi yaShifo notali katutumbilwa ko Kahao oku kaningilwa omakonaakono.

 Ovapambele vanakufya ova shiivifilwa kombinga yoshiningwanima , nomakonaakono moshinima okwa hovela.