Omupresitend Nangolo Mbumba okwa gandja efumbiko lyopapendafule komupresitend omukulu Hage Geingob.

Mbumba okwa ningi etseyitho nena,ngaashi shili mo sub- article 8 of article 32 yekotampango lyoshilongo,sha landula eso lyomupresitend omukulu mo Windhoek mu 4 February.

Nakusa Geingob otaka pewa egumbo lye lyahugunina komawendo gomapendafule mo 25 February.

Oosa dhopashigwana odhiigidhwa okuza mu 05 February sigo omesiku taka fumbikwa.

Pethimbo mpoka omapandela agehe ogena okukala ga tsikilikwa etata moshilongo, oshowo koombelewa dhoku kalelapo oshilongo pondje yoshilongo.

Efumbiko otali tetekelwa koshituthi shokumudhimbulukwa shoshigwana  tashi ningilwa kokapale ko Independence Stadium  mo 24 February.

Lokati mpoka omupresitend Mbumba okwiigidha wo osondaaha yo 25 February onga esiku lyefudho lyopashigwana.

Ashike ngaashi shili moveta yomasiku gomafudho gopashigwana yomumvo 1990,uuna esiku lyefudho lyopashigwana lya gwila mosondaaha,nena omandaaha ga landula otali kala esiku lyefudho lyopashigwana.

Sha hala kutya omandaaha yo 26 February olili esiku lyefudho lyopashigwana.