Russia a taalela ompito yoondjindikila omolwa eso lyomuleli gompilameno

Iilongo yo European union okwa tegelelwa yi tulilemo Russia oondjindikila oompe omolwa eso lya Alexei Navalny,shiikwatelela komunambelewa gopombanda go EU.

Ta popi komeho yoonkundathana nena,Joseph Borell okwati o EU oya pumbwa okutuma etumwalaka lyeyambidho lyomuleli omukulu gompilameno mo Russia Navalny.

Tati koombinga adhihe,papolitika nopakwiita,otaya tsikile okuyambidha Ukraine naa Russia mboka ya hala emanguluko.

Omukulukadhi gwa Navalny Yulia Navalnaya naye okwa tegelelwa a wayimine omutumba goominista dhiikwapondje mo Brussels.

Iilongo yuuninginino otayi gandja  ombedhi ku Putin meso lya Navalny.