Oipindi yoipa yoinamwenyo yoondongi yakelelwa kongonga hangano yAfrica

Oshikondo shililepo eameno loinamwenyo menenedu oshati osha tambulako nomaoko ashambekelwa  elombwelo lovaleli voilyo longo yongonga hangano ya Africa,  opo kuxulifwepo oipindi  yoikafa  yoondongi kova China menenedu.

Eelopota doshikundaneki sho BBC oda popya kutya,  oshikafa shoondongi osha kala noku longifwa kova China oku dulukapo omuti wouhaku wopamufyuulukwakalo hawiifanwa Ejiao.

Otaku lopotwa pefimbo loshongalele shovaleli voilyo longo yongonga hangano ya Africa (AU) osho sheya pexulilo moshondaxa mo Adis Ababa sha Ethiopia,  vadimina opo elandifo loipa yoondongi moilyo longo yAfrica likale lamonenwa exulilo.

Pefimbo leenghundafana dali metifa ovaleli ova didilika kutya,  omukalo wedipao leendongi oku pitika ova China valandife oipa yayo oshili tashi shonopeke omuvalu woinamwenyo menendu oshoyo moumbuwanhu wa America.

Omuti wo Ejiao oo haundulukwa kova China okudja moipa yoondongi , owa talika uli kamana kandongo moku velula omikifi nokweeta omaundjolowele momalutu ovanhu , ashike nande ongaho ota kulopotwa kutya ina shi diinwa komahangano enasha nounamiti.

Oinamwenyo yoondongi oya talika shikwetepo melongifo loyeendifo noilonga yomomapya kovanhu tava hangwa keenele domaushai menenedu la Africa.