Eenghendabala doku yandja olusheno kovakalimo momudingonoko wa Mahenene moNdangwa ota deende nawa.

Elelo lodoropa ya Ondangwa okwa lopotwa la hovela noilonga yoku yandja omayakulo eenghono dolusheno komaumbo efike 153 oo taahangwa momudingonoko wolukanda ledina  Omahenene .

Eshi osha landula eshi etwikiniko loilonga yolusheno lamanifwa komaumbo efike po 300 tahangwa momudingonoko omo okudja mu January 2024.

Omupopiliko welelo lodoropa yaOndangwa , Petrina Shitalangaho-Mutikisha,  mee nghundafana odo aninga noikundaneki onghela okwati,  omaumbo eli 153 okwa tofwamo nale oku mona ouwa woprojeka,  oyo tati oili taipewa eyambidido loshimaliwa okudja kouminsity weemina noikwanghono noku kwatelwa komesho kehangano loku adjakaneka omayakulo eenghono dolusheno lo NORED.

Shelikwatelela ku Shitalangaho-Mutikisha, okwati oproject okwa li ina oku hovela pefimbo loshimaliwa shomutengenekwa faneko sho 2020/2021,   ashike omolwo etukuko loudu wombuto yo  COVID-19 eyokomesho loilonga ola kakalekwa kwali.

Okwati omukalo owa hovela molukanda la Mahenene noovene vomaumbo ovo vawanifapo oipumbiwa otava kakala va mona ouwa okudja mo projeka.

Shitalangaho-Mutikisha,   tapopi kutya olukanda la Mahenene,  olo limwe lomo malukanda makulu kulu taa hangwa mo mudingonoko wa Ndangwa,  nola talikila yoo koshivalo shovanhu vena oyuu yemo ili pedu.

Tadenge omufindo nghene monakudiwa pwakala padidilikwa omashongo enasha nomudingonoko,  molwo mumbwe yo lusheno tati olusheno olili lapumbiwa koshiwana opo shikalekepo eameno, oshoyo omayakulo akwao.