Oshiwana sha Mozambique tashi fadukapo omakuyunguto monooli yoshilongo.

Epangelo laMozambique ola koleka metivali kutya ovanhu vedulife po 10 000 ova fininikwa konghalo oku tembukamo momaumbo avo,  omolwo nghalo yo makuyunguto oyo ya etifiwa kongudu yokulo yo  jihadist.

Oo eli omupopiliko wepangelo moshilongo osho Filimao Suaze,  okwa lombwela oikundaneki kutya onghalo oyo ili mo Cabo Delgado  ota yuuulike yapimbila.

Okwati omuvalu wovanhu vedulife po 10 000 owa tembuka nale noku fika momudingonoko woshitopolwa oshoyo oitopolwa ikwao oku konga ouholameno.

Onghalo yoku hena eameno moshitopolwa shonooli ya Mozambique oya didilikwa yaxwama unene moule woivike ili 2 yaka dilongela  noku fininika oshiwana shifadukepo shalandula komitopelo deendjebo, ovanhu tava taatawa,  omanga vamwe vadidilikwa tava tetwa omitwe  nomakatana koilyo yovatwondubo nepangelo.